Azərbaycan Dövlət İpoteka və Kredit Zəmanət Fondunun (İKZF) dövriyyədə olan istiqrazlarının həcmi 2078,6 milyon manata bərabərdir.

Fins.az xəbər verir ki, bunu İKZF-nin İdarə Heyəti sədrinin müşaviri İlham Kələşov deyib.

O bildirib ki, 2009-cu ildən bu günədək 1906,3 milyon manatdan çox istiqrazlar üzrə öhdəliklər yerinə yetirilib. İstiqraz sahiblərinə isə 278,5 milyon manat məbləğində faiz ödənişləri həyata keçirilib.

O əlavə edib ki, Fondun istiqrazları daha çox yerli maliyyə qurumları, o cümlədən banklar və sığorta şirkətləri tərəfindən alınır.

İlham Kələşov həmçinin qeyd edib ki, ipoteka kreditləri üzrə 45 min həyat sığorta müqaviləsi bağlanılıb. İpoteka ilə əlaqəli əmlak sığortasının sayı isə 41 mindən çoxdur.

Fuad Mədətov
Fins.az