Fins.az xəbər verir ki, Avrasiya İnkişaf Bankının (AİB) İdarə Heyətinin sədri Nikolay Podquzov, beynəlxalq tranzit daşımalarının 40 faiz artacağını bildirib. Bu artımın əsas səbəbi, dəhlizlərin əlaqələndirilməsi ilə Mərkəzi Asiya regionunda quru əlaqələrinin gücləndirilməsi olacaq. Podquzov, Qazaxıstanın Almatı şəhərində keçirilən “Mərkəzi Asiyada tərəfdaşlıq: qlobal çağırışlara lokal problemlərin prizmasından baxış” sessiyasında, AİB-in Şərq-Qərb və Şimal-Cənub nəqliyyat dəhlizlərinin birləşdirilməsini irəli sürdüyünü açıqlayıb.

Bu konsepsiyanın həyata keçirilməsi ilə yeni logistika imkanları, marşrutlar və vahid tariflər yaradılacaq. Podquzov, bunun Mərkəzi Asiya üçün Avrasiyanın nəqliyyat qovşağına çevrilməsi üçün tarixi bir şans olduğunu vurğulayıb.