2025-ci ildə Azərbaycan Mərkəzi Bankının əsas hədəfi inflyasiyanı hədəf diapazonunda saxlamaq olacaq.

Fins.az xəbər verir ki, bu barədə Mərkəzi Bankın sədri Taleh Kazımov Milli Məclisdə 2025-ci ilin dövlət büdcəsinin müzakirəsi zamanı çıxışında bildirib.

Taleh Kazımovun sözlərinə görə, inflyasiyanın sabit saxlanılması ölkədə iqtisadi aktivlik üçün əlverişli şərait yaradacaq.

Mərkəzi Bank sədri həmçinin qeyd edib ki, 2025-ci ildə inflyasiyanın 5.8 faiz səviyyəsində olacağı proqnozlaşdırılır. Bu rəqəm iqtisadi sabitliyin qorunması baxımından əsas göstəricilərdən biri kimi vurğulanıb.

Mərkəzi Bankın pul siyasəti çərçivəsində prioritet olaraq inflyasiya hədəflərinə çatmaqla yanaşı, iqtisadi artımı dəstəkləyəcək addımların atılacağı gözlənilir.