Hazırda Azərbaycanda inflyasiyanı artıran amil, xarici ticarət tərəfdaşlarımız olan ölkələrin milli valyutasının bahalaşmasıdır. Eyni zamanda, inflyasiyanı azaldan amil isə manatın nominal effektiv məzənnəsinin artmasıdır.

Fins.az xəbər verir ki, bunu Azərbaycan Mərkəzi Bankının sədri Taleh Kazımov keçirdiyi brifinqdə bildirib.

O, rəhbərlik etdiyi qurumun illik inflyasiya proqnozuna düzəliş etdiyini xatırladıb:

"Bu il üçün inflyasiya proqnozumuzu 0,3 faiz bəndi azaldaraq 5,1 %-ə, gələn il üçün isə 0,3 faiz bəndi artıraraq 5,8 %-ə çatdırmışıq".