ABB-nin (Azərbaycan Beynəlxalq Bankı) 2024-cü ilin III rübü üzrə qeyri-faiz gəlirləri 228,2 milyon manat, xərcləri isə 362,6 milyon manat təşkil edib.

Fins.az bu barədə bankın rüblük hesabatına istinadən xəbər verir ki, bu göstəricilər ötən ilin eyni dövrü ilə müqayisədə əhəmiyyətli artım göstərir. Gəlirlər 2023-cü ilin III rübünə nisbətən 63,5 milyon manat, yəni 39% artıb, xərclər isə 97,4 milyon manat, yəni 38% yüksəlib.

Qeyri-faiz gəlirlərinin strukturu belədir:

• Haqq və komissiya gəlirləri: 164 milyon manat
• Xarici valyutadan gəlirlər: 43 milyon manat
• Digər gəlirlər: 20,5 milyon manat

İllik müqayisədə haqq və komissiya gəlirləri 64,7 milyon manat (65%) artıb, digər gəlirlər isə 2,3 milyon manat (13%) yüksəlib.

Xərclərin bölgüsü isə aşağıdakı kimidir:

• Əmək haqqı və digər kompensasiya xərcləri: 128,6 milyon manat
• İnzibati xərclər: 22,4 milyon manat
• Amortizasiya xərcləri: 21,1 milyon manat
• Digər xərclər: 180,5 milyon manat

Bu məlumatlar ABB-nin qeyri-faiz gəlirlərinin artımı ilə yanaşı, ümumi xərclərinin də nəzərəçarpacaq dərəcədə artdığını göstərir.

Fuad Mədətov
Fins.az