Türkiyə, BRICS ölkələrinin qlobal iqtisadiyyatda dolların dominantlığını azaltmaq məqsədilə yeni valyuta yaratmaq cəhdini dəstəkləyir.

Fins.az xəbər verir ki, 1944-cü ildə yaradılan Bretton-Vud sistemi ilə ABŞ dolları dünya üzrə əsas ehtiyat valyutası kimi möhkəmləndi. Lakin son illərdə dolların hegemonluğu həm maliyyə böhranları, həm də ABŞ-ın valyutanı siyasi silah kimi istifadə etməsi ilə sarsılıb.

Xüsusilə inkişaf etməkdə olan ölkələr və qlobal Cənub BRICS valyutasına ümid bəsləyir. Qızılın qiymətinin rekord həddə çatması da bu dəyişiklik ehtimalını gücləndirir. Ekspertlər hesab edirlər ki, BRICS valyutası qlobal iqtisadi sistemdə yeni tarazlığa səbəb ola bilər.

Bu valyuta təşəbbüsü, inkişaf etmiş ölkələrin iqtisadi gücünü yenidən bölüşdürmək üçün önəmli bir addım ola bilər.