Azərbaycan Mərkəzi Bankı “TCF” BOKT ASC-nin vəzifəli şəxsinə inzibati məsuliyyət tətbiq edib.

Fins.az xəbər verir ki, Mərkəzi Bankın nəzarət prosesləri çərçivəsində, “Bank olmayan kredit təşkilatları haqqında” qanunun 22.1-ci maddəsi və “Kredit təşkilatlarının borcalanları haqqında məlumatın Mərkəzləşdirilmiş Kredit Reyestrinə verilməsi Qaydası”nın 3.3-cü bəndi pozulub. Bu pozuntulara görə, İnzibati Xətalar Məcəlləsinin 440.1-ci maddəsinə əsasən, vəzifəli şəxs 2 000 manat məbləğində cərimə olunub. Bu tədbir, qanunvericiliyin pozulmasının qarşısının alınması məqsədini güdür.