Ukrayna Parlamenti kriptovalyutaları qanuniləşdirən tənzimləməni qəbul edib. Beləliklə, ölkə kriptovalyuta bazarını qanuniləşdirən beşinci ölkə olub.
Fins.az xəbər verir ki,Ukrayna Parlamentində kriptovalyutaların qanuni tanınması qərarı demək olar ki, yekdil idi. Qətnamə prezident Vladimir Zelenskiy-nin imzası ilə qüvvəyə minəcək.

Əvvəllər ölkədə kriptovalyuta əməliyyatlarına heç bir məhdudiyyət qoyulmamışdı. Yerli investorlara kriptovalyutalarla ticarət etməyə icazə verildi, lakin şirkətlərin əməliyyatları ciddi nəzarət altında idi.

Ukraynada bitkoin El Salvadorda olduğu kimi rəsmi ödəniş vasitəsi olaraq qəbul edilməyəcək. Yeni tənzimləmə ilə, investorlar bitcoin və digər kriptovalyutalardakı fırıldaqçılıqdan qanuni olaraq qorunacaqlar.

Ukraynanın Rəqəmsal Transformasiya Naziri Mixaylo Federov, rəqəmsal valyuta buraxmaq üçün ölkənin Mərkəzi Bankına ödəmə sistemlərini modernləşdirdiklərini açıqlayıb.

Bu həftə El Salvador, Bitcoin-i rəsmi valyutası olaraq qəbul edən ilk ölkə oldu. İki həftə əvvəl Kuba kriptovalyutaları tanıyan bir qanun qəbul etdi. Panamanın da tezliklə kriptovalyutalarla bağlı bir tənzimləmə edəcəyi gözlənilir.