2008-də ABŞ-dan başlayan qlobal böhranı iki il əvvəl təxmin edən və buna görə "böhran kahini" adlandırılan Nouriel Roubini, ABŞ xəzinə istiqrazları faizindəki yüksəlişin bazarları qarışdıra biləcəyini və "Archegos Capital" kimi bir çox hedc fondu ya da aktivləri idarə edən şirkətin çöküşünə səbəb ola biləcəyini vurğulayıb, dolların orta müddətdə ABŞ iqtisadiyyatındakı əkiz kəsirin (büdcə kəsiri və cari kəsir) artması ilə əlaqədar olaraq zəifləyəcəyini deyib.

Tanınmış ABŞ-lı iqtisadçı, Nyu York Universitetinin professoru Nouriel Roubini, ABŞ xəzinə istiqrazları faizindəki yüksəlişin bazarları qarışdıra biləcəyini və "Archegos Capital" kimi bir çox hedc fondu ya da aktivləri idarə edən şirkətin çöküşünə səbəb ola biləcəyini hesab edir.

Marja xəbər verir ki, ABŞ hökumətinə məsləhətçilik edən Roubini, aşağı ya da mənfi faiz dərəcələrinin və maliyyə təşviqlərinin, inkişaf etmiş ölkələrdə sərmayəçilərin həddindən artıq risk götürmələrinə səbəb olduğunu bildirib.

Roubini, bazarların səhlənkarlığını göstərən qiymət qazanc nisbətinin 1929 və 2000-ci illərdəki səviyyələrə çatdığını da vurğulayıb.

Roubini, risk iştahındakı artım ilə əlaqədar bildirib ki, bir çox sərmayəçi kredit çiyni dəstəyi ilə böyük risk götürüb, "şarlar" yaranıb və  bəziləri partlaya bilər.

10 illik ABŞ istiqrazı faizinin bu il 2%-i keçməsilə şokun reallaşa biləcəyini qeyd edən Roubini, inflyasiyanın yenidən yüksəlməsi və ABŞ-Çin arasındakı isti döyüşə dair işarələrin ortaya çıxmasının da digər risk ünsürlərini yaratdığını söyləyib.

Roubiniyə görə, dollar orta müddətdə ABŞ iqtisadiyyatındakı əkiz kəsirin artması ilə əlaqədar olaraq zəifləyəcək və ABŞ-ın Rusiya, Çin, Şimali Koreya kimi ölkələrə sanksiyalarının da bu ölkələrin dollardan uzaqlaşmalarına səbəb olacaq.