UNEC tələbələri bank sistemi barədə - Məlumatlandırılıb
"Azər Türk Bank" ASC ilə Azərbaycan Dövlət İqtisad Universiteti (UNEC) arasında əməkdaşlıq və birgə fəaliyyət çərçivəsində növbəti təlim keçirilib.
UNEC-dən fins.az-a bildirilib ki, onlayn təşkil olunan görüşdə bankın Təlim və motivasiya şöbəsinin rəisi Mahir Həsənov Azərbaycanda bank sistemi barədə tələbələrə praktiki məlumatlar çatdırıb. O, təlim zamanı Mərkəzi Bankın fəaliyyəti və funksiyaları, kommersiya banklarının fəaliyyət mexanizmi, idarəetmə və qərarvermə prosedurları, o cümlədən elektron bankçılıq və nağdsız ödənişlərin müasir vəziyyəti barədə mühüm məqamları açıqlayıb.UNEC Karyera Mərkəzinin təşkilatçılığı ilə keçirilən görüşün sonunda tələbələri maraqlandıran suallar təlimçi tərəfindən cavablandırılıb.
