Azərbaycan Mikromaliyyə Assosiasiyası (AMFA) Avropa İttifaqı tərəfindən maliyyələşdirilən “Azərbaycan regionlarında dayanıqlı mikrosahibkarlığın inkişafının sürətləndirilməsi” (ADSMIRRA) layihəsi çərçivəsində həyata keçirilən “Pandemiyası sonrası Perspektivlər: Rəqəmsallaşmağa doğru” mövzusuna həsr edilmiş 10-cu Azərbaycan Mikromaliyyə Konfransının keçiriləcək.
AMFA-dan fins.az-a verilən məlumatda bildirilir ki, mikromaliyyə xidmətləri təminatçıları tez-tez rəqəmsal maliyyəni əhatə etmək üçün mütərəqqi addımlar atırlar, mobil cihazlardan istifadə və rəqəmsal maliyyə xidmətləri təminatçıları ilə tərəfdaşlıq edərək mövcud məhsulların, xidmətlərin və əməliyyatların rəqəmsallaşdırılmasına başlayırlar. Baxmayaraq ki, bu həm müştərilərə fayda gətirir (rahatlıq, təhlükəsizlik, daha sürətli) və mikromaliyyə xidmətləri təminatçılarına fayda gətirir (artan əməliyyat səmərəliliyi, müştəri bazasının şaxələndirilməsi, daha az xərclə kənd ərazilərinə çıxış), rəqəmsal maliyyə müəyyən çətinliklər və risklərlə üzləşir və bəzən uyğun bir şəkildə istifadə edilməzsə təhlükə yarada bilər. Tədbirdə aşağıda qeyd edilən mövzuların müzakirəsi planlaşdırılır: Mikrokreditləşmənin rəqəmsallaşması: Çətinliklər və İmkanlar, Qeyri-müəyyən zamanlarda yenilik: mikromaliyyədə rəqəmsallaşdırmanın gücləndirilməsi.
Qeyd olunan mövzulara əlavə olaraq, Konfransda Avropa İttifaqı tərəfindən maliyyələşdirilən “Azərbaycan regionlarında dayanıqlı mikrosahibkarlığın inkişafının sürətləndirilməsi” (ADSMIRRA) layihəsinin nəticələri haqqında ümumu məlumatların verilməsinə xüsusi sessiya həsr olunacaq. Bu sessiyada layihənin Maliyyə Savadlılığı üzrə nəticələr, əldə olunan uğurlar və çətinliklər, layihə benefisiarları üçün yeni imkanlar müzakirə olunacaq.
Tədbir zamanı Azərbaycan Mikromaliyyə Assosiasiyasının İdarə Heyətinin Sədri cənab Cəlal Əliyevin, Azərbaycan Mikromaliyyə Assosiasiyasının icraçı direktoru xanım Jalə Hacıyevanın, Azərbaycan Respublikasının Kiçik və Orta biznesin inkişafı Agentliyinin İdarə Heyəti sədrinin müavini cənab Mehman Abbasın, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) Vitse-Prezidenti cənab Vüqar Zeynalovun, Azərbaycan Respublikası Milli Məclisinin İqtisadi siyasət, sənaye və sahibkarlıq komitəsinin üzvü cənab Mahir Abbaszadənin, Polşa Mikromaliyyə Mərkəzinin (MFC) məsuliyyətli maliyyə üzrə eksperti xanım Eva Bankovskanın iştirakları gözlənilir.
10-cu Azərbaycan Mikromaliyyə Konfransını canlı yayımda izləmək üçün 25 fevral 2021-ci il saat 09:30-da www.facebook.com/AMFA.Azerbaijan qoşulmağa dəvət edirik!
