Mərkəzi Bank “Bank kapitalının və onun adekvatlığının hesablanması Qaydaları” tələbindən irəli gələrək istehlak kreditləri üzrə orta faiz dərəcələrinə dair məlumat yayıb.
Fins.az məlumata istinadən xəbər verir ki, 31.12.2020-ci il tarixinə manatla verilən istehlak kreditləri üzrə orta faiz dərəcələri Sektorun orta faiz dərəcələri 19% - 24% civarındadır.
Orta faiz dərəcəsi kredit kartı vasitəsilə verilən kreditlər üzrə 24%, məişət avadanlıqlarının alınması ilə bağlı olan kreditlər üzrə 23%, yaşayış sahəsinin təmiri ilə bağlı olan kreditlər üzrə 24%, avtomobil kreditlər üzrə 19%, digər istehlak kreditləri üzrə 23% olub.
31.12.2019-cu il tarixinə orta faizlər 18% - 23% civarında idi.
2019-cu ilin sonunda orta faiz dərəcəsi kredit kartı vasitəsilə verilən kreditlər üzrə 23%, məişət avadanlıqlarının alınması ilə bağlı olan kreditlər üzrə 23%, yaşayış sahəsinin təmiri ilə bağlı olan kreditlər üzrə 21%, avtomobil kreditlər üzrə 18%, digər istehlak kreditləri üzrə 22% idi.
ABŞ Dollarında verilən kreditlər üzrə orta faiz dərəcələri isə geriləyib. Orta faiz dərəcəsi kredit kartı vasitəsilə verilən kreditlər üzrə 10%-dən 3%-ə, digər istehlak kreditləri üzrə 7%-dən 5%-ə düşüb.