Son illərdə avtomobil bazarında artan rəqabət, alıcıların seçim imkanlarını genişləndirib.

Bunu Fins.az-a açıqlamasında nəqliyyat eksperti Elməddin Muradlı deyib. 

Onun sözlərinə görə, azərbaycanlı alıcıların avtomobil seçərkən yerli distribütorlar və Çin istehsalı avtomobillər arasında hansı üstünlüklərə diqqət yetirdiklərini aydınlaşdırır:

“Çox təəssüflər olsun ki, bəzən insanlar bazarda avtomobillərin qiymətləri ilə maraqlanarkən, xüsusilə Çin avtomobilləri arasında seçim edərkən rəsmi distribüterlərə daha az üstünlük verirlər. Çünki daha ucuz qiymətə olan digər təkliflərə aldanaraq, rəsmi servislərdən və distribüterlərdən uzaqlaşırlar. Bu, alıcıların qərar vermə prosesini ciddi şəkildə təsir edir. Rəsmi distribüterlərdən alınan avtomobillərin ən böyük üstünlüyü, onların uzunmüddətli servis təminatıdır. Lakin, rəsmi distribüterlərin təqdim etdiyi avtomobillərin gələcəkdə servislə bağlı problemləri olmayacaq. Bu, alıcılara daha etibarlı bir seçim imkanı təqdim edir”.

E.Muradlı bildirib ki, rəsmi distribüterlər avtomobilləri sığorta ilə təqdim edərək, müştərilərə əlavə təhlükəsizlik hissi yaradır:

Rəsmi distribüterlərdən alınan avtomobillərin qiymətləri nisbətən baha olsa da, bu, onların servis təminatı ilə əlaqədardır. Bu, alıcıların uzunmüddətli maliyyə risklərini azaltmağa kömək edir. Bununla yanaşı, qeyri-rəsmi satıcılardan alınan avtomobillərlə bağlı risklər də mövcuddur. Qiyməti bəhanə edərək, insanlar ucuz avtomobil alaraq, uzun müddətdə daha böyük itkilərlə qarşılaşa bilərlər”.

Ekspert onu da qeyd edib ki, rəsmi olmayan avtomobillərə zəmanət verilmədiyi üçün, ehtimal olunan problemlərlə bağlı ciddi maliyyə xərcləri ortaya çıxa bilər:

“Məsələn, uzaqbaşı, bir il və ya iki il ərzində alınan avtomobillərə təqdim edilən zəmanətlər çox vaxt müvəqqəti olur və keyfiyyətli servis təminatı yoxdur. “Pulsuz pendir yalnız tələdə olur” prinsipinə görə, ucuz qiymətə avtomobil alarkən düşünmək lazımdır ki, onun ehtiyat hissələri, detalları və zəmanəti necə olacaq. Bu, alıcıların avtomobil seçərkən daha məlumatlı olmalarının əhəmiyyətini ortaya qoyur. Tanıdığım bir çox Çin avtomobili gətirən şirkətlər var ki, onlardan alınmayan avtomobillərə heç bir xidmət göstərmirlər. Hətta bir ehtiyat hissəsi satmaq üçün müştərilərdən yalvarsalar belə, buna yanaşmırlar. Bu, alıcıların rəsmi distribüterlərə üstünlük vermələrinin vacibliyini bir daha təsdiqləyir”.

Nəticə etibarilə, azərbaycanlı alıcıların avtomobil seçimi zamanı rəsmi distribüterlərin təmin etdiyi xidmətlər, etibarlılıq və uzunmüddətli zəmanət, qeyri-rəsmi satıcıların ucuz qiymətləri qarşısında ciddi üstünlük təşkil edir.

Fuad Mədətov
Fins.az