"Horacio Pagani" 2022-ci ildə üçüncü nəsil "Pagani Utopia" kupe hiperkarını təqdim etmişdir. İndi isə iki il sonra onun açıq versiyası - "Utopia Roadster" işıq üzü görüb.

Fins.az xəbər verir ki, Roadsterin əsas fərqi çıxarıla bilən üst hissəsidir və bu, həm sərt, həm də yumşaq ola bilər. Texniki olaraq, Roadster kupe ilə eynidir: AMG istehsalı 6,0-litrlik V12 biturbo mühərriki var, gücü 864 at gücü təşkil edir. "Utopia Roadster"in çəkisi kupedən fərqli olaraq artırılmayıb və cəmi 1280 kiloqramdır.

Bu unikal avtomobilin tirajı 130 nüsxə ilə məhdudlaşdırılıb və qiyməti ən azı 3,1 milyon avrodur.

Fuad Mədətov
Fins.az