Mercedes Türkiyə bazarında elektrikli avtomobillər sahəsindəki uğurları ilə gündəmə gəlməyə davam edir. Şirkət rəhbərliyi 2024-cü ildən etibarən satılan hər 4 avtomobildən birinin elektriklə olacağını proqnozlaşdırır. Məlum olub ki, bu istiqamətdə ciddi sərmayələr qoyan brend bu səylərinin bəhrəsini alıb və 2024-cü ilin ilk 3 ayında satışlarını əvvəlki ilə nisbətən 220% artırıb. Bundan əlavə, elektrik avtomobil bazarında 1064 ədədlə təxminən 300% artım qeydə alınıb. 

Fins.az xəbər verir ki, Mercedes-in 6550 satışla premium seqmentdə liderliyini qoruduğu bildirilir. Keçən 2023-cü ilin də brend üçün çox müsbət olduğu məlum olsa da, 2024-cü ildə belə bir uğurun əldə edilməsi şirkətin maliyyə vəziyyətinə müsbət təsir göstərmiş kimi görünür.

Mercedes-Benz Automotive İcraçı Direktoru Şükrü Bekdixan açıqlamasında bu il yeni elektrik modellərini satışa çıxaracaqlarını və bu modellərin ümumi satışlardakı payını 20%-ə çatdıracaqlarını bildirib.

2024-cü ilin üçüncü rübündə maraqla gözlənilən Electric G-Series-i Türkiyə bazarında satmağı planlaşdırdıqlarını vurğulayan Bekdixan, EQB və EQS modellərinin satış rəqəmlərindən çox məmnun olduqlarını açıqladı. Markanın ölkədə elektromobil sənayesinin inkişafına töhfə verməyi hədəflədiyi də bildirilir.

Günel Məlikzadə
Fins.az