Volkswagen Passat yeni nəsli ilə Türkiyə bazarına daxil oldu. Şirkətin ikonik modellərindən biri olan Passat doqquzuncu nəsildə əhəmiyyətli dəyişikliklərə məruz qalır. Həm dizaynda, həm də mühərrikdə bəzi dəyişikliklər var. 

Fins.az Volkswagen-dən verilən açıqlamaya istinadən xəbər verir ki, yeni Passat 144 mm uzadılıb və uzunluğu 4917 mm-ə çatıb. Bu o deməkdir ki, bu, indiyə qədər ən böyük Passat versiyasıdır. Arxada 50 mm daha çox ayaq yeri təklif edən daxili həcmdə də artım oldu. Baqajın həcmi 40 litr artaraq 690 litrə çatıb.

Yeni model Türkiyə bazarında 3 fərqli mühərrik variantı ilə satışa çıxarılıb. Bunlara 1,5 litrlik 150 at gücündə hibrid benzin mühərriki, 2,0 litrlik 193 at gücündə dizel mühərriki və 2,0 litrlik 265 at gücündə benzin mühərriki daxildir.

Yüngül hibrid mühərrikin 250 Nm, dizel mühərrikinin 400 Nm və benzin mühərrikinin 400 Nm gücünə çatdığı bildirilir. Hər üç mühərrik 4Motion tam ötürücü sistemi ilə seçilir.

Yeni Passat; Türkiyədə Business, Elegance və R-Line avadanlıq paketləri ilə satılacaq. Bütün paketlərdə standart olaraq 12,9 düymlük məlumat-əyləncə sistemi, 10,25 düymlük rəqəmsal cihazlar paneli və müxtəlif sürücülük dəstək sistemləri olacaq.

Yeni Passat-ın qiyməti avadanlıqdan asılı olaraq dəyişir. Yüngül hibrid benzin mühərriki ilə təchiz edilmiş Business modelinin qiyməti 2 milyon 430 min TLdən başlayır. Ən yüksək təchizatlı R-Line paketi və benzin mühərriki olan Passat 4 milyon 300 min TL-dir.

Günel Məlikzadə
Fins.az