Son zamanlar avtomobil həvəskarları yolda fərqlənmək və insanları təəccübləndirmək üçün avtomobillərini müxtəlif rənglərə boyayırlar. Hətta paytaxt küçələrində  sağ və sol tərəfləri müxtəlif rənglərə boyanmış avtomobillərə də rast gəlirik.

Bəs avtomobili iki müxtəlif rəngə boyamaq barədə qanunvericilik nə deyir?

Avtosfer.az xəbər verir ki, avtomobilin rənglənməsi barədə qanunvericilkdə heç bir standart və norma müəyyən olunmayıb. Buna görə də sürücülər idarə etdikləri avtomobilləri müxtəlif rənglərə boyaya bilərlər. Lakin bu dəyişiklikdən sonra qeydiyyat şəhadətnaməsinə düzəlişlər edilməsi üçün avtomobil Dövlət Yol Polisi İdarəsinin Qeydiyyat-İmtahan şöbəsinə təqdim edilməlidir. Qanunvericiliyə görə iki müxtəlif rəngə boyanmış avtomobilin qeydiyyata alınmasından imtina edilə bilməz. Bu dəyişikliyin qeydiyyata alınması üçün 25 manat avtomobilin qeydiyyat şəhadətnaməsinə, 30 manat isə texniki müayinəyə görə dövlət rüsumu ödənilməlidir.