Bakı, 15 yanvar Fins.az

General Motors konserni çoxdan gözlənilən Bolt EV krossoverinin növbəti tizerini dərc edərək, elektromobilin gələn ay təqdim olunacağını təsdiqləyib. Chevrolet Bolt EUV modelinin bu ilin yayında satışa çıxacağı gözlənilir.

Videoda, ilk dəfə Chevrolet loqosunu daşıyan avtomobildə quraşdırılacaq GM Super Cruise avtopilotunun düymələri olan sükan çarxı və cihazlar panelinin ekranında göstərilən məlumatlar nümayiş olunur. Məhz bu məlumatlar diqqəti ən çox cəlb edib - çünki, ekranda elektrokarın yürüş ehtiyatı barədə məlumat göstərilir.