Fins.az - 2024-cü ildə kakao loblarının qiymət artımı qlobal bazarda diqqət mərkəzindədir.

18 dekabr tarixində qiymətlər rekord səviyyəyə çataraq bir ton üçün 12,931 min dolları keçib. Bu, ilin əvvəlindən etibarən qiymətlərin iki dəfədən çox artması ilə nəticələnib.

MarketWatch məlumatına görə, 2023/2024 kənd təsərrüfatı ilində kakao istehsalında baş verən çatışmazlıq, dünya üzrə təklifin azalmağa davam etməsi ilə nəticələnib. ING analitikləri qeyd edir ki, bu ilin sonunda dünyanın ən böyük kakao istehsalçısı olan Kot-d'Ivuarın çətin hava şəraiti və ekstremal hava hadisələri, istehsalın azalmağına səbəb olub.

Beynəlxalq Kakao Təşkilatının (ICCO) verdiyi proqnozlara görə, cari kənd təsərrüfatı ilində dünya üzrə 478 min ton kakao lobu çatışmazlığı olacaq. İstehsalın 13,1% azalması və anbarlardakı ehtiyatların 26,8% azalması bu vəziyyəti daha da çətinləşdirir.

Bu artımın əsas səbəbi olaraq Qərbi Afrikada məhsulun pisləşməsi göstərilir. WeatherWealth nəşriyyatının rəhbəri Ceyms Romer, dünya okeanının rekord dərəcədə yüksək temperaturunun məhsul üzərində mənfi təsir yaratdığını bildirir.

Lakin, buna baxmayaraq, kakao loblarına olan tələbat sabit qalır. Teucrium şirkətinin baş direktoru Ceyk Henli, istehlakçıların şokolad və kofe kimi məhsullardan imtina etməyə çətinliklə razı olduqlarını qeyd edir.

Kakao loblarının qiymətləri, xüsusilə bayramlar ərəfəsində tələbin artması ilə daha da yüksəlməyə davam edə bilər.