İmişli rayonunda payızlıq arpa əkininə başlanılıb.

Fins.az xəbər verir ki, rayonun Dövlət Aqrar İnkişaf Mərkəzindən bildirilib.

Məlumata görə, İmişli ərazisində payız əkinində 18 min hektar sahədə dənli bitkilərin əkini planlaşdırılır.

Artıq 4 minə yaxın hektar sahəyə arpa toxumu səpilib.

Qeyd edək ki, cari əkin mövsümündə rayon ərazisində 42 922,1 hektar sahədə kənd təsərrüfatı bitkiləri əkilib. Bunun 16 664,3 hektarı dənli və dənli paxlalı bitkilər, 77,7 hektarı kartof, 138,1 hektarı tərəvəz, 324,6 hektarı bostan bitkiləri, 214,7 hektarı şəkər çuğunduru, 7 033,7 hektarı pambıq və 18 469 hektarı isə yemlik bitkilərinin payına düşüb.