“Ölkənin ərzaq təhlükəsizliyinin təminatı məqsədilə kənd təsərrüfatı təyinatlı torpaqların istifadəsinə nəzarət gücləndiriləcək”.

Fins.az xəbər verir ki, bunu Milli Məclisin bu gün keçirilən iclasında Baş nazir Əli Əsədov deyib.

Baş nazir bildirib ki, Azərbaycanın torpaq ehtiyat fondu 8,6 milyon hektar təşkil edir ki, bunların da kənd təsərrüfatına yararlı olan hissəsi 4,8 milyon hektardır: “Son vaxtlar kənd təsərrüfatı təyinatlı torpaqların təyinatının dəyişdirilməsinə cəhdlər müşahidə edilir. Bundan sonra buna ciddi nəzarət olunacaq”.