İşğaldan azad edilmiş torpaqların kənd təsərrüfatı potensialının dəqiqləşdirilməsi məqsədilə mütəxəsislər tərəfindən kənd təsərrüfatı təyinatlı torpaqların və çoxillik əkmələrin cari peyk təsvirləri əsasında vektorlaşması aparılıb və Coğrafi İnformasiya Sistemləri bazasına daxil edilərək xəritələşməsi təmin edilib.

Bu barədə Nazirlər Kabinetinin 2020-ci il üzrə hesabatında qeyd edilib.

Məlumata görə, həmin torpaqlardan səmərəli istifadə edilməsi üçün Azərbaycanın Milli Ordusunun nəzarətində olan ərazilərdə 147 min hektar torpaq sahəsindən 78 min hektar payızlıq əkinlərin aparılması təşkil edilib.