İsmayıllı rayonunda fındıq yığımı başa çatıb.

Rayon Dövlət Aqrar İnkişaf Mərkəzindən bildirilib ki, son illər fındıqçılığa maraq artıb. Təsadüfi deyil ki, bağların sahəsi ildən-ilə genişləndirilir. Artıq bölgədə fındıq bağlarının sahəsi 2004 hektara çatıb. Bunun 87 hektarı barverəndir. Cari mövsümdə bağbanlar bağlardan 283 ton fındıq götürüblər ki, bu da ötən ildəkindən 2 ton çoxdur.

Ən çox məhsul İsmayıllı şəhər və Topçu kənd inzibati ərazi dairələrindəki fındıq bağlarından əldə olunub. Yığılan məhsul elə sahələrdə satılıb.