Dünya üzrə təxminən 9200 oteli və 25 brendi ilə dünyanın ən böyük françayzinq otel şirkəti olan Wyndham Hotels Resorts Avropa, Yaxın Şərq, Avrasiya və Afrika (EMEA) regionu üzrə 2023-cü ilin tam illik nəticələrini açıqlayıb.

Fins.az xəbər verir ki, bu müddət ərzində Wyndham EMEA-da 9 brendi yeni ölkələrə təqdim edib. 107 françayzinq müqaviləsi imzalayıb, 87 yeni otel açıb və portfelinə 9500 yeni otaq əlavə edib.

Qeyd edək ki, şirkət portfelinə edilən yeni əlavələrlə EMEA-da Wyndham otellərinin sayı 639-a, otaqların sayı 88 mindən çox, brendlərin sayı isə 15-ə yüksəlib. Wyndham-ın EMEA-dakı 639 otelindən 12-si şirkətin özü tərəfindən idarə olunur. Wyndham-ın EMEA-dakı layihə fonduna 150-dən çox otel layihəsi daxildir.

Günel Məlikzadə
Fins.az