VAKANSİYA

Bank Respublika Qış təcrübə proqramı elan edir
28 DEKABR 2018
3062

Bank Respublika Qış təcrübə proqramı elan edir

2018-12-28 19:46:00

Bank RespublikaASC istedadlı və motivasiyalı 4-cü kurs tələbələri və yeni məzunlar üçün QIŞ TƏCRÜBƏ PROQRAMI elan edir.

Biz Sizə Bankın müxtəlif sahələrində bacarıq, biliyin artırılmasına və karyera qurmasına yönəlik innovativ və sosial məqsədlər daşıyan karyera proqramı təklif edirik.

 Bank Respublika olaraq Sizə nə vəd edirik?

  •          Öz bilik və bacarıqlarınızı nümayiş etdirmək üçün şəffaf seçim prosesi;
  •          Müvəffəqiyətli karyera üçün Sizə lazım olacaq fərdi və peşəkar bacarıqlarınızı inkişaf etdirmək imkanı;
  •          Bank sektorunda karyera qurmaq təşəbbüslərinizi gerçəkləşdirmək imkanları;
  •          “Bank Respublika”-nın peşəkar komandasının bir üzvü olmaq imkanı.

Peşəkar komandamıza qoşulmaq üçün Sizdən tələb olunur;

  •          Universitetin 4-cü kurs tələbəsi və ya yeni universitet məzunu olmaq (maliyyə, iqtisadiyyat və idarəetmə üzrə təhsil arzuolunandır);
  •          Azərbaycan dili (əla), İngilis və Rus dilləri arzuolunandır;
  •          Müxtəlif düşüncə və dünya görüşünə malik insanlarla şifahi ünsiyyət qurmaq bacarığı;
  •          Fikrini dəqiq, dolğun və özünə əminliklə təqdim etmə bacarığı;
  •          Yeni bilik və bacarıqları özündə inkişaf etdirmək həvəsi;
  •          Komandanın bir üzvü olmaq üçün, yeni iş mühitinə və kollektivə tez uyğunlaşmaq bacarığı.

Bankımızın illər ərzində əldə olunan təcrübə və uğurlarına şərik olmaq və yeni nailiyyətlərimizə öz imzasını atmaq istəyən nəticəyönümlü şəxsləri komandamıza dəvət edirik.

Uyğun namizədlərdən öz CV formalarını 18 yanvar 2019-cu il tarixədək [email protected] ünvanına mövzu hissəsində Qış təcrübə proqramı yazmaqla göndərmələri xahiş olunur.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9288
  • ₽ RUB
    0.0264