VAKANSİYA

“Bank Avrasiya” işçi axtarır – VAKANSİYA
26 OKTYABR
1902

“Bank Avrasiya” işçi axtarır – VAKANSİYA

2016-10-26 21:00:00

“Bank Avrasiya”audit departamentinin mütəxəssisi vəzifəsinə işçi axtarır. Bankdan fins.az-a verilən məlumata görə, bühasibat uçotu, bank işi və ya iqtisadiyyat sahəsində ali təhsilli, xidmət sahəsində ən azı 3 il iş stajı olan namizədlər vakansiya ilə müraciət edə bilərlər. 

Namizədlər üçün irəli sürülən tələblər:

Mühasibat uçotu, bank işi və ya iqtisadiyyat sahəsində ali təhsil;

Xidmət sahəsində ən azı 3 il iş stajı;

Daxili audit prosesi üzrə bacarıqlar;

Mühasibat, bank, vergi və əmək qanunvericiliyinə dair biliklər;

Maliyyə Hesabatlarının Beynəlxalq Standartları (MHBS) haqqında anlayış və onların tətbiqi təcrübəsi;

Beynəlxalq audit standartları (BAS) üzrə üsullar haqqında biliklərə malik olmaq;

Analitik təhlil bacarığı;

Azərbaycan, rus və ingilis dillərini mükəmməl səviyyədə bilmək;

MS Office proqramlarının bilikləri;

Məsuliyyət, düzgünlük, dəqiqlik və etibarlılıq kimi müsbət göstəricilərə sahib olmaq;
Ünsiyyətqurmavə komandada işləmək bacarığı.

Vəzifə öhdəlikləri:

Mühasibat (maliyyə) sənədlərini, həmçinin maddi uçot, maliyyə-təsərrüfat əməliyyatlarının qanuniliyini və həqiqiliyini təsdiq edən mədaxil-məxaric sənədlərini yoxlamaq;

Həyata keçirilmiş əməliyyatların qanuniliyini, onların uçotunun həqiqiliyini və sənədlərin rəsmiləşdirilməsini müəyyən etmək;

Kassada və bankın filiallarında saxlanılan pul və digər qiymətlilərin mövcudluğunu, pul vəsaitlərinin və təsdiqedici sənədlərin saxlanılmasının təmin edilməsini yoxlamaq;

Aşkar edilmiş çatışmazlıqların və pozuntuların, vurulmuş maddi ziyanın həcminin sənədləşdirilməsini həyata keçirmək və yol verilmiş pozuntunun səbəblərini, həmçinin təqsirkar vəzifəli şəxsləri müəyyən etmək üçün tədbirlər görmək;

Kənar şəxslərin tanış olmasına imkan verilməyən təftiş edilmiş sənədlərin saxlanılmasını təmin etmək;

Təftiş və ya yoxlama təyin edən rəhbər şəxsləri aşkar edilmiş pozuntular barədə məlumatlandırmaq, həmçinin yol verilmiş pozuntuların qısa müddətdə aradan qaldırılması və təqsirkar şəxslərin məsuliyyətə cəlb edilməsi, eləcə də vurulmuş maddi ziyanın aradan qaldırılması üçün təkliflər vermək.

Namizədlər “Bank Avrasiya”nın CV formasını doldurub cv@bankavrasiya.az ünvanına göndərməlidirlər və ya ONLİNE CV-ni doldurmalıdırlar.CV-ni göndərərkən email-ın mövzu hissəsində Audit Departamentinin Mütəxəssisi vəzifəsi qeyd edilməlidir.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8651
  • ₽ RUB
    0.0271