TƏHSİL

Müəllimlə əmək müqaviləsi bağlanarkən tələb olunan sənədlər – SİYAHI
09 OKTYABR
65

Müəllimlə əmək müqaviləsi bağlanarkən tələb olunan sənədlər – SİYAHI

2019-10-09 11:45:00

Direktorların nəzərinə: Müəllimlə əmək müqaviləsi bağlanarkən hansı sənədlər tələb olunur?

Dövlət ümumi təhsil müəssisələrinə direktor vəzifəsinə işə qəbul üzrə müsabiqənin növbəti rayonlardan olan namizədlər üçün müsahibə mərhələsi bir sıra rayonlarda başa çatıb.

Bu mərhələdə Sabirabad, Masallı, Qobustan, Göyçay, Şəki və İsmayıllı rayonları üzrə direktorların işə qəbulu müsabiqəsinin test imtahanı mərhələsində müvafiq keçid balını toplamış 85 namizəd iştirak edib.

Fins.az növbəti günlərdə müsahibədə iştirak edəcək namizədlərə kömək məqsədilə proses zamanı əmək qanunvericiliyi ilə bağlı verilə biləcək suallara cavabı təqdim edir.

Sual:

Əmək müqaviləsinin bağlanması üçün hansı sənədlər tələb edilir?

Cavab:

AzEdu.az xəbər verir ki, əmək müqaviləsi bağlanarkən müəllim bu sənədləri təqdim etməlidir:

Əmək müqaviləsi bağlanarkən müəllim əmək kitabçası, şəxsiyyətini təsdiq edən sənəd və dövlət sosial sığorta şəhadətnaməsini (ilk dəfə əmək fəaliyyətinə başlayanlar istisna olmaqla) təqdim etməlidir.

Əmək müqaviləsinin bağlanması işçinin müvafiq yaşayış məntəqəsində qeydiyyatının olub-olmaması ilə şərtləndirilə bilməz.

Məcburi köçkün, onlara bərabər tutulan şəxs və ya qaçqın statusu olan, habelə Azərbaycanda ilk dəfə əmək fəaliyyətinə başlayan işçilərlə, əcnəbilərlə və vətəndaşlığı olmayan şəxslərlə əmək kitabçası təqdim edilmədən əmək müqaviləsi bağlanıla bilər.

Müəllimdən bu Məcəllədə nəzərdə tutulmamış, habelə işin xüsusiyyətlərinə uyğun gəlməyən əlavə sənədlərin tələb edilməsi qadağandır.

Qeyd edək ki, sözügedən rayonlar üzrə müsahibələr sentyabrın 21-dək davam edib. Müsahibə nəticələri və növbəti müsahibələrin keçiriləcəyi tarixlər barədə isə namizədlərə məlumat veriləcək.

 
© Materiallardan istifadə edərkən hiperlinklə istinad olunmalıdır