TƏHSİL

Müəllimlərimiz Britaniyada
11 FEVRAL
282

Müəllimlərimiz Britaniyada

2019-02-11 15:08:00

Azərbaycanın ümumtəhsil məktəblərini təmsil edən 15 müəllim Böyük Britaniyanın Lester Universitetində olub. Fins.az xəbər verir ki, Təhsil Nazirliyindən bildiriblər ki, səfərin məqsədi seçilmiş müəllimlərin peşəkarlıq səviyyəsini və mentorluq bacarıqlarını artırmaq, qabaqcıl təcrübələri Azərbaycanda təbliğ etməkdir. Səfər proqramına müəllimlərin tədris fəaliyyətinin mövcud vəziyyətini təhlil etmək, təlim prosesini düzgün planlaşdırmaq, formativ qiymətləndirmə vasitələrindən istifadə, ölçülə bilən təlim məqsədlərini müəyyənləşdirmək, şagirdlərlə səmərəli əks-əlaqənin təmini, dərs müşahidəsi zamanı müəllimlərin dəstəkləyici əks-əlaqəsinin təşkili kimi məsələlər daxil olub. Müəllimlər Böyük Britaniya məktəblərində istifadə edilən mövcud yanaşmalar, müasir təhsil nəzəriyyələri və metodik tövsiyələrlə tanış olublar.

Təlimin sonunda müəllimlər müvafiq proqram əsasında həmkarları ilə aparacaqları işləri əks etdirən fəaliyyət planı hazırlayaraq dəyərləndirmə üçün Lester Universitetinin nümayəndələrinə təqdim ediblər.

© AzEdu

© Materiallardan istifadə edərkən hiperlinklə istinad olunmalıdır