TƏHSİL

Təhsil haqqı kreditini qaytaran tələbələrin sosial vəziyyəti də nəzərə alına bilər
27 NOYABR
81

Təhsil haqqı kreditini qaytaran tələbələrin sosial vəziyyəti də nəzərə alına bilər

2018-11-27 09:58:00

Təhsil haqqı üçün alınan kredit borclarının qaytarılma mexanizmi hazılanarkən tələbənin sosial vəziyyəti də nəzərə alınacaq.

Bunu "Maarifçi" Tələbə Kredit Fondundan Trend-in sorğusuna cavab olaraq deyiblər.

Bildirilib ki, Fondun hazırkı kredit qaytarma mexanizmı dünyada fəaliyyət göstərən fondların ümumi praktikasına əsaslanır:

"Lakin təhsil naziri Ceyhun Bayramovun tapşırığına əsasən, Fond Təhsil Nazirliyinin mütəxəssisləri ilə birgə kredit borclarının qaytarılması ilə bağlı beynəlxalq təcrübədə olan alternativ mexanizmlər üzərində çalışır. Sözügedən mexanizm hazırlanarkən tələbənin sosial vəziyyəti, əmək bazarında gənclərin məşğulluq imkanları və digər zəruri amillər əsas götürüləcək".

Xatırladaq ki, maliyyə naziri Samir Şərifov təhsil kreditlərinin qaytarılıb-qaytarılmayacağı ilə bağlı problemin olduğunu açıqlayıb:

"Təhsil krediti alanların onu qaytaracağı böyük bir sualdır. Bizim bank təşkilatlarımız bu riski öz üzərlərinə götürmək istəmirlər. Dövlət buna müdaxilə etsə, indidən etiraf edək ki, bu kreditlər qaytarılmayacaq. Xaricdə bu məsələ belə qurulub - kredit verilir, amma həmin o məzunlar işə qəbul olunduqdan sonra işəgötürənlər banklarla müqavilə bağlayır və kreditlər geri qaytarılır. Hazırda bununla bağlı bir mexanizm tapa bilməmişik. Müəyyən cəhdlər var. Lakin bunlar, deməzdim ki, problemi kütləvi şəkildə həll edəcək".

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9254
  • ₽ RUB
    0.0256