TƏHSİL

Çində təhsil almaq neçəyə başa gəlir? -QİYMƏT
19 NOYABR
230

Çində təhsil almaq neçəyə başa gəlir? -QİYMƏT

2018-11-19 12:05:00

Çində universitetlər elmi araşdırmalarda və mühəndislik layihələrində göstərdikləri uğurlar ilə diqqət çəkir. Son illərdə etdikləri uğurlu layihələr və səs salan araşdırmalar ilə Çin universitetləri dünyanın şöhrətli universitetləri arasında yer alır və dünya reytinqində ilk 500 universitet arasındadırlar. 2018-ci ildə QS Dünya Universiteti Rankings® cədvəlində 39 universitet ən yuxarı pillələrdə yer almışdır.

Çində ali təhsil bakalavr, magistr və doktoranturadan ibarətdir. Təhsil müddəti isə bakalavr  4 il, magistr 2 il və doktorantura 3 ildir. Çindəki dövlət universitetləri ilə paralel özəl universitetlər də vardır. Çindəki tələbələr universitetlərə yerli imtahan nəticəsində qəbul olur, xarici tələbələr üçün isə imtahan məcburiyyəti yoxdur. Tələbələr Çin universitetlərinə SAT, IELTS, TOEFL kimi beynəlxalq imtahan nəticələrinə əsasən qəbul ola bilərlər.

Çində universitet ödənişləri

Çində təhsil yüksək keyfiyyətli və hesablıdır. Çində universitet təhsili ödənişləri universitetin yerləşdiyi şəhər və universitetin təhsil keyfiyyətinə, reytinqinə görə dəyişir.

Dövlət universitetlərində təhsil haqqı:

Ümumi ödənişlər üzrə orta təhsil haqqı 3300 ilə 10.000 ABŞ dolları arasındadır.

İngilis dilində təhsil proqramları 2200 ilə 4,500 ABŞ dolları arasındadır.

Təbii, mühəndislik və biznes proqramları: illik 24,000 ilə 50,000 ABŞ dolları arasında dəyişir.

Çində kampusu olan Böyük Britaniya universitetlərində təhsil haqqı:

Bakalavr dərəcəsi üçün 12.000 ABŞ dolları / illik

Master dərəcəsi üçün 13.500 ABŞ dolları / illik

Özəl universitetlərdə təhsil haqları:

Bir neçə özəl Çin universitetindən başqa, siz Çində kampusu olan Britaniya və Amerika universitetlərinə də müraciət edə bilərsiniz. Bu universitetlərdə təhsil haqqı ildə 8.000 ABŞ dollarından başlayaraq illik 15.000 ABŞ dolları təşkil edir.

Çin dili Təhsili

Çində universitetlərdə Çin dilində təhsil almaq istəyən namizədlər universitetlərin nəzdində açılmış bir akademik il müddətində davam edən ( 9-10 ay) çin dilində hazırlıq sinifinə qatıla bilərlər. Çin dili hazırlıq imtahanından yetərli nəticəni yığdıqdan sonra istədikləri ixtisas üzrə təhsil ala bilərlər. Bu proqramlara qoşulmaq üçün İngilis dili mütləqdir.

Çin universitetləri yüksək texniki imkanlara və mütəxəssis heyətinə sahibdir. Çin universitetlərində mühəndislik, tibb, maliyyə, sosial elmlər, beynəlxalq ticarət kimi bir çox sahədə təhsil ala bilmə şansı vardır. Çində təhsil alaraq dünyanın ən çox danışılan dillərindən birini öyrənə bilərsiniz.

Çin universitetlərindən məzun olduqdan sonra beynəlxalq biznesdə istədiyiniz şanslara sahib iş sahibi ola bilərsiniz.

Çində təhsil almaqla kariyeranız və dünya vizyonunda fərqlər yarada bilərsiniz.

Çin şəhərlərində ortalama yaşayış xərcləri

Pekin ən bahalı şəhərlərdən biridir və xərclərinizi ödəmək üçün ayda 1000 ilə 1,200 dollara ehtiyac duyacaqsınız.

Şanxay və Shenzhen ən bahalı şəhərlərdir, ayda 850 ilə 1200 ABŞ dolları arasında sərf etməli olacaqsız.

Ümümilikdə isə Çin şəhərlərində, yaşam xərcləri üçün aylıq 600 – 1,000 ABŞ dolları ilə kifayət qədər idarə edə bilərsiniz.

@CELT

 

 

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9326
  • ₽ RUB
    0.0255