TƏHSİL

Bu il ən uğurlu iliniz ola bilərmi?
06 MART
414

Bu il ən uğurlu iliniz ola bilərmi?

2018-03-06 11:12:00

www.readit.az saytı sizin üçün maraqlı və məlumatlandırıcı məqalələr təqdim etməyə davam edir. Bu günkü məqaləmiz Maykl Hayetin “Sənin ən yaxşı ilin” kitabı haqqındadır. Kitab ən yeni bestseller siyahısındadır və 2018-ci ildə dərc edilib. Qeyd etmək lazımdır ki, bu kitab nəinki azərbaycan dilinə, heç rus və türk dillərinə də hələ tərcümə edilməyib. Bu möhtəşəm kitabın qısa məzmununu azərbaycan dilində saytımızdan oxuya bilərsiniz.

Qədim bir ifadə var: “Tarix özünü təkrarlamır, əvvəlki dövrlərə uyğunolur”. Bu, şəxsi keçmişimizlə də bağlıdır. Niyə? Çünki həyat şəraitimiz hər həftə, hər il dəyişir. Amma biz hələ də bizik. Düşüncə vərdişlərimiz işlərimizdən, münasibətlərimizdən və ətrafımızda baş verən hadisələrdən asılı olmayaraq, qətiyyətli nəticələr əldə etməyə meyillidir.

Düşüncə vərdişlərimiz faydalı olduqda, xoşbəxtlik, şəxsi məmnunluq, hətta maliyyə uğuru kimi müsbət nəticələr əldə edirik. Ancaq bunun əksi olduqda, məyusluq, narazılıq və s. yaşayırıq.

Hədəflərimizə çatmaqda qarşımıza çıxan ən böyük maneə onları reallaşdırmaqdan duyduğumuz şübhələrdir. Biz bir çox hallarda qoyduğumuz hədəflərə çata bilməyəcəyimizə inanırıq. Bu cür fikirlər ruhumuzu zəhərləyir və nəticələrə təsir edir. Hər hansı bir şeyin mümkün olub-olmaması ilə bağlı inancımız yaşadığımız reallığa birbaşa təsir edir. Unutmayın ki, çatdığımız hədəflərlə çata bilmədiklərimiz arasındakı əsas fərq uğura olan inamımızdır. Diqqətlə baxdıqda, inanclarımızı öz fikirlərimizlə məhdudlaşdırdığımızı görə bilərik.

Ən yaxşı ilimizi formalaşdırmağa çalışarkən qarşılaşdığımız maneələrin bir çoxunun xəyali xarakter daşıdığını unutmamalıyıq. Hər gün zehnimizə milyonlarla fikir daxil olur. Ancaq biz onların arasından sadəcə inanacağımız fikirləri seçirik. Məhdudlaşdırıcı inanclardan xilas olmağın ən yaxşı üsullarından biri onları azadlıq verən həqiqətlərlə əvəz etməkdir. Biz inanclarımızı yaxşılaşdıra bilərik.

Mükəmməl nəticələr öz-özünə yaranmır. Bunun üçün qətiyyətli olmalısınız; özünüzü nə istədiyinizi və nəyin vacib olduğunu aydınlaşdırmağa məcbur edin, daha sonra isə hədəfinizi reallaşdırmaq üçün bir fəaliyyət planı hazırlayın.

Heç bir şey etmədən ən yaxşı ilinizi formalaşdıra bilməzsiniz. Şəxsi və ya peşə həyatınızda real uğurlar əldə etmək üçün bu gün həyata keçirməli olduğunuz şeylər haqqında çox fikirləşməyin. Növbəti addımı müəyyənləşdirdikdən sonra fəaliyyətə başlayın.

Uğur qazanmaq sizin öz əllərinizdədir. Fəaliyyətlərinizin qətiyyətliliyini təmin edərək və düzgün qərarlar qəbul edərək böyük uğurlar qazana bilərsiniz. Ümid edirik ki, 2018-ci il hamımız üçün ən yaxşı il olacaq!

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    2.0024
  • ₽ RUB
    0.0256