SOSİUM

Azərbaycanda sənaye əhəmiyyətli meşələr salınacaq
03 SENTYABR
88

Azərbaycanda sənaye əhəmiyyətli meşələr salınacaq

2019-09-03 15:50:00

Yaxın vaxtlarda Azərbaycanda  sənaye əhəmiyyətli meşələrin salınması planlaşdırılır.

Bu barədə Fins.az-a Ekologiya və Təbii Sərvətlər Nazirliyinin Meşələrin İnkişafı Departamentinin direktoru Ağaqardaş Qaraşov bildirib. Onun sözlərinə görə, bu məqsədlə tez böyüyən ağac cinslərindən istifadə olunacaq ki, həmin ağaclar kəsilib ağac emalı sənayesinin inkişafında davamlı olaraq istifadə olunsun. A.Qaraşov deyib ki, meşə təsərrüfatından sənaye məqsədləri ilə istifadə üçün yaxın perspektivdə bu sahədə geniş işlərin görülməsi nəzərdə tutulub: “Fiziki və hüquqi şəxslərə, iş adamlarına tövsiyə edirik ki, özlərinə məxsus torpaq sahələrində bu tip ağac cinslərini yetişdirsinlər. Bu işdə biz Ekologiya və Təbii Sərvətlər Nazirliyi olaraq bütün müraciətlərə açığıq. Öz tövsiyələrimizi verə və ağac cinslərinin seçilməsində kömək edə bilərik. Eyni zamanda,  meşə fondunun açıq sahələri də bu məqsədlə sahibkarlara icarəyə verilə bilər”.

© Materiallardan istifadə edərkən hiperlinklə istinad olunmalıdır