SOSİUM

“Azəriqaz” əhaliyə XƏBƏRDARLIQ ETDİ
03 MART
298

“Azəriqaz” əhaliyə XƏBƏRDARLIQ ETDİ

2019-03-03 14:53:00

“Azəriqaz” İstehsalat Birliyi (İB) abonentlərə xəbərdarlıq edib.

Qurumun məlumatında bildirilir ki, son günlər Bakının müxtəlif ünvanlarında özünü “Azəriqaz” İstehsalat Birliyinin əməkdaşı kimi təqdim edən şəxs və ya şəxslər mənzillərdə quraşdırılmış smart-kart tipli qaz sayğaclarının batareyasının dəyişdirilməsi və ya smart kartların “vaxtının keçməsi” kimi məsələləri bildirərək həmin “problemlərin” aradan qaldırılması üçün vətəndaşlardan müəyyən miqdarda pul tələb edirlər. 

Bununla bağlı “Azəriqaz” istehlakçıların nəzərinə çatdırır ki, Bakı şəhərində abonentlərə göstərilən bütün xidmətlər yalnız “ASAN xidmət” və “ASAN Kommunal” mərkəzlərində həyata keçirildiyindən “Azəriqaz”ın əməkdaşları öz xidməti vəsiqələrini göstərdikdən sonra ödənişsiz olaraq yalnız mənzillərdə yerləşən sayğaclara profilaktik baxış keçirə bilərlər:

“Bir daha bildiririk ki, qeyd olunan hallarla rastlaşan vətəndaşlar yaşadıqları ərazi üzrə müvafiq polis bölməsinə müraciət etməlidirlər”.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9288
  • ₽ RUB
    0.0264