SOSİUM

Bu həftə geomaqnit qasırğası olacaq
04 FEVRAL
177

Bu həftə geomaqnit qasırğası olacaq

2019-02-04 16:40:00

Fevralın 7-8-də güclü geomaqnit həyəcanlaşması müşahidə olunacaq.

Fins.az xəbər verir ki, bunu AMEA-nın Şamaxı Astrofizika Rəsədxanasının elmi işlər üzrə direktor müavini Elçin Babayev deyib.  

Onun sözlərinə görə, hazırda Günəşin görünən diskində heç bir Günəş ləkəsi müşahidə olunmur və gündüz ulduzu olan Günəş alışmaları generasiya etməyə qadir deyil: "Günəşin səthində orta ölçüyə malik növbəti tac dəliyi formalaşıb. Tac dəliyindən yüksək sürətli Günəş küləyi (yüklü zərrəciklərdən ibarət plazma) öz başlanğıcını götürərək planetlərarası fəzaya, o cümlədən Yerə doğru yönəlmiş olur".

E.Babayev qeyd edib ki, tac dəliyindən “əsən” Günəş plazma küləyinin təsirlərinin fevralın 7-8-də Yerə çatması gözlənilir: "Həmin plazma küləyi Yer maqnetosferində həyəcanlaşma yaradacaq və nəticədə hətta zəif səviyyəli geomaqnit qasırğasının baş verəcəyi də gözlənilir. Sonuncu güclü həyəcanlaşma və qısamüddətli qasırğa fevral ayının əvvəlində baş vermişdi. Planetlərarası maqnit sahəsinin Z komponentinin istiqaməti cənubu göstərərsə, Fevralın 7-8-də müşahidə olunacaq geomaqnit həyəcanlaşması daha da güclü olacaq. Bu gün üçün geomaqnit həyəcanlaşmasını xarakterizə edən əsas Kp indeksinin qiyməti 1-3 arasında dəyişir. Ehtimal olunur ki, fevralın 7-9-da bu qiymət qalxacaq. Hazırda atmosfer təzyiqi normadan yüksəkdir".

© Report

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9105
  • ₽ RUB
    0.0266