SOSİUM

Atmosferə tullantı atan müəssisə cəzalandı
20 NOYABR 2018
190

Atmosferə tullantı atan müəssisə cəzalandı

2018-11-20 17:50:00

Ekologiya və Təbii Sərvətlər Nazirliyi Bakının Binəqədi rayonunda ətrafa tüstü və qoxunun yayan sexi cərimələyib.

Ekologiya və Təbii Sərvətlər Nazirliyininin mətbuat xidmətindən Fins.az-a verilən məlumata görə, Binəqədi rayonu, 1-ci Mədən, korpus 2-də yerləşən qara metal əritmə sexindən ətrafa tüstü və qoxunun yayılması ilə bağlı daxil olan şikayət Nazirliyin əməkdaşları tərəfindən yerində araşdırılıb və monitorinq keçirilib. Atmosfer havasından nümunələr götürülüb və analizlər aparılıb. Analizlərin nəticələrinə görə atmosfer havasına atılan tullantıların miqdarının normadan yüksək olduğu məlum olub.

Araşdırma zamanı qara metal əritmə sexinin "Fərid-RL" MMC-yə məxsus olduğu müəyyən edilib. Faktla bağlı MMC barəsində protokol tərtib olunub və hüquqi şəxs qismində 12500 manat məbləğində cərimə edilməsi üçün toplanmış sənədlər Binəqədi Rayon Məhkəməsinə göndərilib.

Atmosfer havasının çirklənməsinin qarşısının alınması istiqamətində zəruri və təxirəsalınmaz tədbirlərin görülməsi üçün "Fərid-RL" MMC-yə icrası məcburi olan müddətli "məcburi göstəriş" verilib.

 

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9105
  • ₽ RUB
    0.0266