SOSİUM

Azərbaycanda «Ağıllı kənd» yaradılır – İLK DƏFƏ
29 OKTYABR
423

Azərbaycanda «Ağıllı kənd» yaradılır – İLK DƏFƏ

2018-10-29 14:12:00
Azərbaycanda ilk dəfə olaraq «Ağıllı kənd» layihəsinin reallaşdırılmasına başlanıb.

FED.az gəbər verir ki, bu barədə Qax Damazlıq İpəkçilik Stansiyasının açılışında prezident İlham Əliyevə Kənd təsərrüfatı naziri İnam Kərimov məlumat verib. Nazirin sözlərinə “Ağıllı Kənd” – “Dövlət Kənd İnkişafı layihəsi” çərçivəsində yaradılır.

Bu innovativ layihə kənd əhalisini və infrastrukturunu yeni texnoloji həllərlə təmin edir.

“Ağıllı Kənd” layihəsi bir çox mühüm elementləri özündə birləşdirir.

 Eləcə də bax:Bu gün axşam HAVA necə olacaq?

Onların arasında məktəblərdə elektron tədris və təlim mərkəzləri, onlayn təlim platforması, elektron tibbi xidmətlər, alternativ və bərpa olunan enerjidən istifadə, ağıllı suvarma sistemləri, elektron və SMS məlumatlandırma daxildir.

Bundan başqa, ağıllı biznes və təsərrüfatın qurulması məqsədilə layihə bazara rahat çıxış platformaları, təchizatçılar, istehsalçılar üçün daxili və xarici bazara rəqəmsal çıxış, onlayn bank xidmətləri və digər xidmətlər təqdim edir.

Layihə “Ağıllı Dövlət İdarəçiliyi” istiqamətində elektron kənd təsərrüfatı, elektron xidmətlər, “bir pəncərə” sistemi, GIS əsaslı real zamanda nəzarət və ağıllı yerli idarəetmə imkanlarını da nəzərdə tutur.

©FED

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9267
  • ₽ RUB
    0.0258