SOSİUM

Bakı məktəblərində direktor olmaq istəyənlər üçün müsahibə keçirilir
31 MAY
164

Bakı məktəblərində direktor olmaq istəyənlər üçün müsahibə keçirilir

2018-05-31 13:27:00

Bakı şəhəri üzrə ümumi təhsil müəssisələrinin direktorları və gələcəkdə bu vəzifədə çalışmaq arzusu olan pedaqoji kadrlar üçün keçirilən təlimlərdə iştirak edən namizədlərin müsahibə mərhələsinə start verilib.

Təmizlik Xidmətinə 50% ENDİRİM!

Bakı Şəhəri üzrə Təhsil İdarəsindən  verilən məlumata görə, müsahibənin nəticəsinə əsasən, Bakı şəhəri üzrə vakant direktor vəzifəsinə namizədlər müəyyənləşəcək.

Qeyd edək ki, Təhsil İşçilərinin Peşəkar İnkişafı İnstitutu tərəfindən Bakı şəhəri üzrə ümumi təhsil müəssisələrinin direktorları və gələcəkdə bu vəzifədə çalışmaq arzusu olan pedaqoji kadrlar üçün təlimlər təşkil edilib.

Təlimlər Təhsil Nazirliyinin birbaşa tabeliyində (Bakı şəhərində yerləşən) olan və Bakı Şəhəri üzrə Təhsil İdarəsinin tabeliyində fəaliyyət göstərən ümumtəhsil məktəbi, lisey və gimnaziyada işləyən direktorları, direktor müavinlərini və müəllimləri əhatə edib.

2014-cü ildən keçirilməyə başlanılan təlimlərin məqsədi müasir idarəetmə keyfiyyətlərinə malik, informasiya texnologiyalarına bələd, ölkəmizin təhsil və sosial inkişafına töhfə verə biləcək ümumi təhsil müəssisəsi direktorlarının bilik və bacarıqlarını təkmilləşdirməkdir.

Təlim iştirakçılarının yekun qiymətləndirməsindən sonra müvafiq bal toplamış şəxslər müsahibə mərhələsinə dəvət olunub.

Eləcə də bax: Dövlət Komitəsi: Son 20 ildə Azərbaycanda kişilərin sayı sürətlə artıb

© Report

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9810
  • ₽ RUB
    0.0269