SOSİUM

Bu ildən istedadlı uşaqların vaxtından əvvəl birinci sinfə qəbulu dayandırılacaq
22 MAY
219

Bu ildən istedadlı uşaqların vaxtından əvvəl birinci sinfə qəbulu dayandırılacaq

2018-05-22 15:17:00

6 yaşı dekabrın 31-dək tamam olan uşaqlar məktəbə qəbul olunacaqlar

OTURDUĞUN YERDƏN HƏDİYYƏ QAZAN!

Azərbaycanda valideynlərin və ya digər qanuni nümayəndələrin müraciəti ilə hər təqvim ilinin sonunadək 6 yaşı tamam olan uşaqların da məktəbə qəbul edilməsi təklif edilir.

“Report”un xəbərinə görə, bununla bağlı “Təhsil haqqında” qanuna dəyişiklik edilir.

Qanunun 19-cu (Ümumi təhsil) maddəsinin 11-ci bəndinə əsasən, Azərbaycanda ibtidai təhsil 6 yaşdan başlanır. Dəyişikliklə bəndə ikinci cümlə əlavə olunur. Yeniliyə əsasən, valideynlərin və ya digər qanuni nümayəndələrin müraciəti ilə hər təqvim ilinin sonunadək 6 yaşı tamam olan uşaqlar da məktəbə qəbul edilirlər.

Eləcə də bax: Azərbaycanda ümumtəhsil müəssisələrinə yeni səlahiyyət verilir

Digər dəyişikliklə isə maddənin 12-ci bəndi ləğv edilir. Bu bəndə əsasən, valideynlərin və ya uşaqların digər qanuni nümayəndələrinin arzusu ilə təhsil müəssisəsi xüsusi istedadlı uşaqları müvafiq icra hakimiyyəti orqanının müəyyən etdiyi qaydada daha erkən yaşda qəbul edə bilərdi.

Qanun qəbul ediləcəyi təqdirdə, bu ildən qüvvəyə minəcək.

© Report

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9921
  • ₽ RUB
    0.0273