SOSİUM

Böyük Qafqazın 3D seysmogeodinamik modeli hazırlanacaq
09 APREL
226

Böyük Qafqazın 3D seysmogeodinamik modeli hazırlanacaq

2018-04-09 14:18:00

Böyük Qafqazın 3D seysmogeodinamik modeli hazırlanacaq.

OTURDUĞUN YERDƏN HƏDİYYƏ QAZAN!

Azərbaycan Milli Elmlər Akademiyasının (AMEA) Geologiya və Geofizika İnstitutunun İctimaiyyətlə əlaqələr və elmin populyarlaşdırılması şöbəsindən verilən məlumata görə, institutunun “Seysmologiya və seysmik təhlükə” şöbəsinin rəhbəri, dosent Qulam Babayev Fulbrayt Fondunun (Fulbright Foundation) qrant dəstəyi ilə ABŞ-ın Miçiqan Universitetində elmi ezamiyyətini başa vurub.

Azərbaycanlı alim ezamiyyət müddətində Miçiqan Universitetin “Yer və ətraf mühit elmləri” şöbəsinin professoru Natan Niyemi ilə birlikdə “Müasir metod və yanaşmalar vasitəsilə Böyük Qafqazın cənub yamacında mövcud olan seysmik təhlükənin qiymətləndirilməsi” mövzusu üzərində tədqiqat işləri aparıb.

Elmi axtarışların nəticəsi olaraq hazırda Böyük Qafqazın 3D seysmogeodinamik modelinin hazırlanması nəzərdə tutulur. Bildirilib ki, bu da öz növbəsində müasir geodezik və seysmik məumatların istifadəsi nəticəsində tədqiqat ərazisində aktiv deformasiyanın sürəti və lokalizasiyasını, həmçinin geoloji və termoxronoloji məlumatların istifadəsi nəticəsində uzunmüddətli zaman intervalında Böyük Qafqaz dağ silsiləsinin formalaşma sürətini müəyyən etməyə, seysmik təhlükələrin daha dəqiq qiymətləndirilməsi imkanını yaratmağa və mövcud plitələr tektonikasının paradiqmasına yenidən baxılmasına səbəb olacaq .

© Report

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9828
  • ₽ RUB
    0.0267