SOSİUM

86 vakant yer üçün müsahibə keçirilir
25 AVQUST
1448

86 vakant yer üçün müsahibə keçirilir

2017-08-25 17:29:00

Azərbaycan Respublikasının Dövlət İmtahan Mərkəzi tərəfindən 25 avqust 2017-ci il tarixindən 5 dövlət orqanında 86 vakant vəzifənin tutulması üçün ümumi müsahibə elan edilmişdir.

Ümumi müsahibəyə çıxarılan vakant dövlət qulluğu vəzifələrindən 85-i mərkəzi icra hakimiyyəti orqanlarının (Kənd Təsərrüfati Nazirliyi, Dövlət Statistika Komitəsi, Əmlak Məsələləri Dövlət Komitəsi, Standartlaşdırma, Metrologiya və Patent üzrə Dövlət Komitəsi) mərkəzi aparatları və yerli təşkilatlarında, 1-i isə məhkəmə orqanlarının (Gəncə Apellyasiya Məhkəməsi) aparatındadır.

Dövlət qulluğu haqqında” Azərbaycan Respublikası Qanununun 29-cu maddəsinə uyğun olaraq müvafiq dövlət orqanı üzrə ümumi müsahibəyə çıxarılan vakant dövlət qulluğu vəzifələrinin tutulmasında həmin dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları, habelə azı 5 il qulluq stajı olan və dövlət orqanında inzibati vəzifələrdə çalışmış şəxslər iştirak edə bilərlər.

Ümumi müsahibədə iştirak etmək istəyən Azərbaycan Respublikası vətəndaşları sənədlərini 25 avqust 2017-ci il tarixindən 14 sentyabr 2017-ci il tarixi saat 18:00‑dək Dövlət İmtahan Mərkəzinə (Gənclik binası, AZ1110, Bakı şəhəri, K.Rəhimov küçəsi, 874-cü məhəllə) şəxsən və ya poçt xidməti vasitəsilə təqdim etməlidirlər.

Ümumi müsahibəyə dair ətraflı məlumat Dövlət İmtahan Mərkəzinin rəsmi internet saytında “İnzibati vəzifələrin tutulması üzrə ümumi müsahibə elanları” bölməsində verilmişdir.

© Materiallardan istifadə edərkən hiperlinklə istinad olunmalıdır
+24°C
  • $ USD
    1.7007
  • € EUR
    2.0368
  • ₽ RUB
    0.0293