SOSİUM

Formula-1 Bakı etapına biletlərin qiyməti daha aşağı olacaq
23 NOYABR
255

Formula-1 Bakı etapına biletlərin qiyməti daha aşağı olacaq

2016-11-23 18:37:00

Gələn il Bakıda təşkil olunacaq Formula-1 Avropa Qran-prisinin bilet satışına dekabrın 1-də start veriləcək. İkinci mövsümdə də tamaşaçı yerlərinin sayı bu ildəki qədər olacaq.

Fins.az-ın verdiyi məlumata görə, bu sözləri “Bakı Şəhər Halqası” Əməliyyat Şirkətinin marketinq və kommunikasiya şöbəsinin rəhbəri və Formula-1 Avropa Qran-prisinin mətbuat katibi Nigar Arpadarai müsahibəsində deyib.

N.Arpadarai bildirib ki, gələnilki yarışın biletlərinin kateqoriyalarında dəyişiklik edilib. Bu il təşkil olunan yarışa birgünlük və üçgünlük biletlər satışa çıxarılmışdı. Növbəti yarışa isə dördgünlük və hər gün üçün ayrıca biletlər əldə etmək mümkün olacaq. Biletlərin qiyməti kifayət qədər münasibdir. Qiymətlər Azərbaycan manatı ilə göstəriləcək. Digər ölkələrdə keçirilən Qran-prilərlə müqayisədə Bakı yarışında qiymətlər kifayət qədər aşağı olacaq.

“Dekabrın 1-dən gələn il yanvarın 31-dək endirimli kampaniya təşkil olunacaq. Azarkeşlər biletləri 30 faiz endirimlə əldə edə biləcəklər. Həmçinin 2-15 yaşlılar üçün xüsusi endirimli biletlər təklif olunacaq. Çalışırıq ki, bu yarışları izləmək istəyənlər üçün müxtəlif kateqoriyada biletlər olsun və onlar möhtəşəm yarışı rahatlıqla izləyə bilsinlər”, - deyə N.Arpadarai deyib.

Mənbə: Azərtag

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8651
  • ₽ RUB
    0.0271