SOSİUM

Siqaret alanlara hədiyyə vermək – QADAĞAN OLDU
03 NOYABR
606

Siqaret alanlara hədiyyə vermək – QADAĞAN OLDU

2016-11-03 13:19:00

Azərbaycanda tütün və tütün məmulatlarının istehsalı ilə məşğul olan şirkətlər sponsor fəaliyyəti ilə məşğul ola bilməzlər.

Bu, Milli Məclisin aqrar siyasət komitəsində müzakirə edilən “Tütün və tütün məmulatı” haqqında Qanuna dəyişikliklər edilməsi barədə əlavə və dəyişikliklər layihəsində öz əksini tapıb.

Dəyişikliyə əsasən, tütün və tütün məmulatları alanlara hədiyyə qismində digər əmtəənin təklif edilməsi qadağan edilir.

“Reklam haqqında” qanuna uyğun olaraq tütün və tütün məmulatlarının reklamı qadağan edilir.

Komitənin iclasında həmçinin “Çayçılıq haqqında” qanuna dəyişikliklər də müzakirə olunub. Dəyişikliyə əsasən, çay məmulatlarının “Reklam haqqında” qanuna uyğun olaraq reklam edilməsi təklif olunub.

Hər iki qanun layihəsinə dəyişikliklər Milli Məclisin plenar iclasında baxılması üçün tövsiyə olunub.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275