SOSİUM

Azərbaycan əhalisinin 13 faizindən çoxu pensiyaçıdır
17 AVQUST
171

Azərbaycan əhalisinin 13 faizindən çoxu pensiyaçıdır

2016-08-17 15:03:00

2016-cı il iyulun 1-i vəziyyətinə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu sistemində 1 milyon 307,7 min nəfər pensiyaçı qeydiyyatda olub ki, bu da ölkə əhalisinin 13,6 faizini təşkil edir.

Dövlət Statistika Komitəsindən Fins.az-a verilən məlumata görə, pensiyaçıların 59,8 faizi yaşa, 29,0 faizi əlilliyə, 11,2 faizi isə ailə başçısını itirməyə görə pensiya alır.

Təyin olunmuş aylıq pensiyaların orta məbləği ötən ilin müvafiq dövrü ilə müqayisədə 8,2 faiz artaraq 189,6 manat təşkil edib və orta aylıq əmək haqqının 38,8 faizinə bərabər olub.

Cari ilin yanvar-iyun aylarında pensiya və müavinətlərin maliyyələşdirilməsinə 1 milyard 529 milyon manat vəsait yönəldilib ki, bu da ötən ilin müvafiq dövrünə nisbətən 97,9 milyon manat və ya 6,8 faiz çoxdur. Vəsaitin 97,1 faizini pensiya xərcləri təşkil edib.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275