SIĞORTA

Sığorta pullarının ən çox daxil olduğu şirkətlər - SİYAHI
12 İYUN
545

Sığorta pullarının ən çox daxil olduğu şirkətlər - SİYAHI

2019-06-12 16:02:00

Bu ilin yanvar-aprel aylarında Azərbaycanda toplanılmış 265 milyon 297 min manat sığorta haqqının 203 milyon 911 min manatı və yaxud 76,9%-i 5 sığorta şirkətinin payına düşüb.  

Fins.az xəbər verir ki, Maliyyə Bazarlarına Nəzarət Palatasının aylıq statistikasına görə, həmin şirkətlər "PAŞA Həyat Sığorta" (74 milyon 597 min manat), "PAŞA Sığorta" (71 milyon 970 min manat), "Azərsığorta" (33, milyon 1 min manat), "Atəşgah Həyat Sığorta" (12 milyon 370 min manat) və "Atəşgah Sığorta" (11 milyon 964  manat) ASC-lərdir.

4 ay ərzində ən az sığorta haqqı toplamış sığorta şirkətləri isə "Naxçıvan Sığorta" (128 min manat), "Amrah Sığorta" (138 min manat), "Bakı Sığorta" (298 min manat) və "Rəvan Sığorta" (818 min manat) ASC-lərdir. Adları çəkilən şirkətlər ümumilikdə 1,382 milyon manat sığorta haqqı toplayıb ki, bu da ümumi yığımların 0,5%-i deməkdir.

Qalan 12 sığorta şirkətinin ümumi yığımları isə 60 milyon 4 min manat (22,6%) təşkil edib. Ödənişlərin 70%-i 5 şirkətin payına düşür. 

Bu ilin yanvar-aprel aylarında Azərbaycanda həyata keçirilmiş 66 milyon 651 min manat sığorta ödənişinin 46 milyon 936 min manatı və yaxud 70,4%-i 5 sığorta şirkətinin payına düşüb.

Həmin şirkətlər "PAŞA Həyat Sığorta" (17 milyon 620 min manat), "PAŞA Sığorta" (14 milyon 676 min manat), "Atəşgah Sığorta" (6 milyon 427 min manat), "Atasığorta" (4 milyon 934 min manat)   və "Azərsığorta"dır (4 milyon 279 min manat).

4 ay ərzində ən az sığorta ödənişi həyata keçirmiş sığorta şirkətləri isə "Naxçıvan Sığorta" (1 min manat), "Bakı Sığorta" (40 min manat), "İpək Yolu Sığorta" (53 min manat) və "Amrah Sığorta" (62 min manat) ASC-lərdir. Adları çəkilən şirkətlər ümumilikdə 156 min manat sığorta ödənişi həyata keçirib ki, bu da ümumi ödənişlərin 0,25%-i deməkdir.

Qalan 12 sığorta şirkətinin ümumi ödənişləri isə 19 milyon 559 milyon manat (29,35%) təşkil edib.

© "Renkinq"

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.8876
  • ₽ RUB
    0.0257