SIĞORTA

Azərbaycanda yeni onlayn sığorta platforması yaradılıb
05 MART
583

Azərbaycanda yeni onlayn sığorta platforması yaradılıb

2019-03-05 14:33:00

Azərbaycanda yeni onlayn sığorta platforması yaradılıb. Dostsigorta.az adlandırılan layihənin təsisçisi, sığorta mütəxəssisi Nicat Əlibəyli bildirib ki, saytın tam şəkildə istifadəyə verilməsinə sayılı günlər qalıb: “Qeydiyyat qısa müddətdir ki, başlayıb, lakin artıq 200-dən çox vətəndaş saytımıza daxil olaraq qeydiyyatdan keçib. Bu, çox sevindirici haldır. Məqsədimiz də elə vətəndaşlarımızla sığorta şirkətləri arasında dostluğu, mehribanlığı təmin etmək  və ən əsası sığortaya inam hissini artırmaqdır”.

Saytda qeydiyyatdan keçən vətəndaşların yaxın zamanda saytın digər xidmətlərindən də yararlana biləcəyini vuğulayan Nicat Əlibəyli növbəti mərhələdə daha iki xidmətin - Səyahət sığortası və Daşınmaz əmlakın icbari sığortasının da onlayn qaydada satışının mümkün olacağını bildirib.

Qeyd edək ki, Dostsigorta.az saytında qeydiyyatdan keçənlər artıq heç kimə müraciət etmədən çox rahat şəkildə öz avtomobillərini onlayn qaydada sığortalaya biləcəklər.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9143
  • ₽ RUB
    0.0267