SIĞORTA

“Qala Həyat“ beynəlxalq qurum tərəfindən mükafatlandırıldı
24 DEKABR 2018
326

“Qala Həyat“ beynəlxalq qurum tərəfindən mükafatlandırıldı

2018-12-24 14:40:00

Caspian Business Award 2018 beynəlxalq mükafatının təqdimetmə mərasimində Azərbaycanda həyat sığortası bazarının aparıcı şirkətlərindən olan “Qala Həyat” xüsusi mükafata layiq görülüb.  

Şirkətin İctimaiyyətlə Əlaqələr Xidmətindən verilən məlumata görə, mərasimdə “Qala Həyat Sığorta” şirkətinə “Sığortaçılığın inkişafına verdiyi töhfəyə görə” nominasiyası üzrə mükafat təqdim  olunub.

Qeyd edək ki, nominantlar dünyanın 50-dən çox ölkəsində yüksək və orta səviyyəli şirkətlərin menecerləri arasında keçirilmiş sorğu əsasında müəyyən edilib. İlin yekunu üzrə mükafatlar Xəzər-Qara dəniz və Baltik regionu dövlətlərinin ərazisinə istehsalat və sosial sahələrdə fəal iştirak edən şirkət və top-menecerlərə təqdim olunur. Mükafatlar iqtisadiyyatın neft, qaz, daşınma, telekommunikasiya və İT texnologiya, maliyyə-kredit sistemi, KİV və bir çox sahələrini əhatə edir.

Xatırladaq ki, sıralarında dünyanın 70 ölkəsindən 5 mindən çox şirkət və təşkilatı birləşdirən Caspian European Club 2002-ci ilin iyununda Xəzər-Qara dəniz regionunda fəaliyyət göstərən nəhəng neft-qaz şirkətlərinin dəstəyi və Caspian Energy İnternational Media Group-un fəal iştirakı ilə yaradılıb.

Azərbaycanın ən etibarlı həyat sığortaçısı olan “Qala Həyat” 2010-cu ildən fəaliyyət göstərir. Şirkət müştərilərə qanunvericliklə nəzərdə tutulmuş həyat sığortası bütün növləri üzrə, o cümlədən “İpoteka krediti üzrə borcalanın həyat sığortası”, “Kapital proqramı üzrə həyat sığortası”, “Bədbəxt hadisələrdən sığorta”, “Həyatın sağalmaz xəstəliklərdən sığortası”, “Uşaqların xeyrinə yığım sığortası” və “İstehsalatda bədbəxt hadisələr və peşə xəstəlikləri nəticəsində peşə, əmək qabiliyyətinin itirilməsi hallarından icbari sığorta” sı üzrə xidmətlər göstərir.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9066
  • ₽ RUB
    0.027