SIĞORTA

İcbari tibbi sığorta sistemi ilə göstəriləcək xidmətlərin sayı - ARTIRILACAQ
26 SENTYABR
183

İcbari tibbi sığorta sistemi ilə göstəriləcək xidmətlərin sayı - ARTIRILACAQ

2018-09-26 14:48:00

İcbari Tibbi Sığorta Agentliyi ölkə üzrə həyata keçiriləcək icbari tibbi sığorta sisteminə baza zərfi ilə bağlı dəyişikliklər edəcək.

Fins.az-ın məlumatına görə, bunu İcbari Tibbi Sığorta Agentliyinin Tibbi sığorta departamentinin rəhbəri Vüqar Qurbanov deyib. Bu barədə Trend yazıb. Hazırda icbari tibbi sığorta sisteminin pilot olaraq həyata keçirildiyini xatırladan V.Qurbanov qeyd edib ki, pilot ərazilərdə aşkar edilmiş bəzi xəstəliklər baza zərfinə daxil edilməmişdi: "Onların yeni baza zərfində öz əksini tapması nəzərdə tutulur".

Agentlik rəsmisinin sözlərinə görə, yeni baza zərfinin quruluşu da fərqli olacaq ki, özündə diaqnozları və həmin diaqnoza aid olan tibbi müayinələri, müalicələri əks etdirəcək. V.Qurbanov əlavə edib ki, hazırda mövcud olan baza zərfində yalnız tibbi xidmətlər öz əksini tapıb. Onun sözlərinə görə, yeni baza zərfi ilin sonuna hazır olacaq.

Agentlik rəsmisi 2019-cu ildən icbari tibbi sığorta sisteminin ölkə üzrə tətbiqinin planlaşdırıldığını da söyləyib.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9479
  • ₽ RUB
    0.0259