SIĞORTA

“Günay Sığorta”nı peşəkar komanda idarə edəcək” –İddialarla bağlı rəsmi açıqlama
15 MAY
1669

“Günay Sığorta”nı peşəkar komanda idarə edəcək” –İddialarla bağlı rəsmi açıqlama

2018-05-15 11:21:00

Son bir neçə gündə “Günay Sığorta” işçilərin şirkətdən ayrılması ilə bağlı xəbərlər yayılıb. Fins.az məsələ ilə bağlı şirkətdən münasibət öyrənməyə çalışıb. Şirkətdən bildirilib ki, hər ay bir neçə yeni işçi qəbul edilə, bir neçə nəfər də işdən ayrıla bilər. “Günay Sığorta”da 3-4 ay ərzində bir neçə nəfər işdən ayrılıb.  Amma bu kütləvi ixtisar anlamına gəlmir. Sadəcə “Günay Sığorta” şirkətində gələcək inkişaf və ölkənin maliyyə bazarında aparıcı mövqe tutması üçün kadr dəyişiklikləri edilib. Şirkət sığorta sektorunda təcrübəsi olan peşəkar komanda tərəfindən idarə ediləcək.

Belə ki, şirkətin Satış blokunun rəhbəri vəzifəsi ölkənin aparıcı bank və sığorta şirkətlərində çalışmış peşəkar sığortaçı Ramin İsmayılova həvalə edilmişdir. Qeyd edək ki, Ramin İsmayılov bank və sığorta sahəsində 13 ildən çox təcrübəyə malikdir.

“Rəvan Sığorta”nın rəhbərliyində yeni təyinat olub -EKSKLÜZİV

Günay Sığorta işçinin öhdəliklərini, üzərində işlədiyi hər hansı layihəni yüksək səviyyədə icra etməsi üçün ona səlahiyyətləri çərçivəsində azadlıq verir. Hər bir işçinin karyera və peşəkar inkişafı üçün geniş imkanlar yaradır. Ona görə də hal hazırda Günay Sığortada 15 ildən çox fəaliyyət göstərən sadiq əməkdaşlar vardır.

Şirkətin digər rəhbər işçiləri haqqında məlumat Azərbaycan Respublikasının Maliyyə Bazarlarına Nəzarət Palatasına göndərilmişdir. Rəsmi cavab gəldiyi zaman bu məlumatlar açıqlanacaqdır.

"Günay Sığorta"nın rəhbərliyindən ayrıldı

Fəaliyyətimizdə əsas məqsədimiz xidmətlərimizin keyfiyyətini artırmaq, şəffaflığı təmin etmək, müştəri məmnuniyyətini yüksəltməkdir. Bununla bağlı yeni layihələrimizi tezliklə müştərilərimizin istifadəsinə təqdim edəcəyik.

Rahim Tarıverdiyev

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9602
  • ₽ RUB
    0.0254