SIĞORTA

5 sığorta şirkətinin öhdəlikləri 30 milyon manatdan çoxdur
24 APREL
176

5 sığorta şirkətinin öhdəlikləri 30 milyon manatdan çoxdur

2018-04-24 10:58:00

Azərbaycanda fəaliyyət göstərən 21 sığorta şirkətindən 20-si bu il yanvarın 1-nə öhdəliklərinin məbləği barədə məlumat verib ki, bunlardan da 5-də sözügedən göstərici 30 milyon manatdan çoxdur.

Təmizlik Xidmətinə 50% ENDİRİM!

 Həmin şirkətlər "PAŞA Həyat Sığorta" (150,436 milyon manat), "PAŞA Sığorta" (86,883 milyon manat), "Atəşgah Həyat Sığorta" (40,463 milyon manat), "Azsığorta" (31,126 milyon manat) və "Atəşgah Sığorta" (30,003 milyon manat) ASC-lərdir.

 Adları çəkilən 5 şirkətin məcmu öhdəlikləri 338,911 milyon manat təşkil edir ki, bu da bazarın 72,4%-i deməkdir. Qalan 15 sığorta şirkətindən 5-nin öhdəlikləri 10-20 milyon manat arasında, 9-nun öhdəlikləri 1-10 milyon manat arasında, 1-nin - "Amrah Sığorta" ASC-nin öhdəlikləri isə 768 min manatdır.

 20 şirkətdən 6-sı ötən il öhdəliklərini artırıb. Ən yüksək müsbət dinamika "Günay Sığorta" ASC-də (3 dəfə), ən aşağı müsbət dinamika isə "Atəşgah Sığorta" ASC-də (6,3%) qeydə alınıb. Qalan 14 sığorta şirkətinin isə öhdəlikləri azalıb. Ən yüksək mənfi dinamika "Atəşgah Həyat Sığorta" ASC-də (42,5%), ən aşağı mənfi dinamika isə "A-Qrup Sığorta" ASC-də (6,2%) baş verib.

 ***

 Ötən ilin sonuna 20 sığorta şirkətindən 4-də uzunmüddətli öhdəliklər 30 milyon manatdan çoxdur. Həmin şirkətlər "PAŞA Həyat Sığorta" (145,227 milyon manat), "PAŞA Sığorta" (73,242 milyon manat), "Atəşgah Həyat Sığorta" (38,393 milyon manat) və "Azsığorta" (30,882 milyon manat) ASC-lərdir.

 Adları çəkilən 5 şirkətin məcmu uzunmüddətli öhdəlikləri 287,744 milyon manat təşkil edir ki, bu da bazarın 65,6%-i deməkdir. Qalan 16 sığorta şirkətindən 6-nın uzunmüddətli öhdəlikləri 10-30 milyon manat arasında, 9-nun uzunmüddətli öhdəlikləri isə 1-10 milyon manat arasında, 1-nin - "Amrah Sığorta"nın uzunmüddətli öhdəlikləri isə 757 min manatdır.

 20 şirkətdən 6-sı 2017-ci ildə uzunmüddətli öhdəliklərini artırıb. Ən yüksək müsbət dinamika "Qala Sığorta" ASC-də (3,9 dəfə), ən aşağı müsbət dinamika isə "Atəşgah Sığorta" ASC-də (6,15%) qeydə alınıb. Qalan 14 sığorta şirkətinin isə uzunmüddətli öhdəlikləri azalıb. Ən yüksək mənfi dinamika "Atəşgah Həyat Sığorta" ASC-də (43,9%), ən aşağı mənfi dinamika isə "A-Qrup Sığorta" ASC-də (6,3%) baş verib.

 ***

 Bu ilin əvvəlinə 20 sığorta şirkətindən 7-də qısamüddətli öhdəlikləri 1 milyon manatdan çoxdur. Həmin şirkətlər "PAŞA Sığorta" (13,642 milyon manat), "PAŞA Həyat Sığorta" (5,209 milyon manat), "Atəşgah Həyat Sığorta" (2,07 milyon manat), "Standard Insurance" (1,626 milyon manat), "Atəşgah Sığorta" (1,479 milyon manat), "Qala Sığorta" (1,196 milyon manat) və "Qala Həyat Sığorta" (1,066 milyon manat) ASC-lədir.

 Adları çəkilən 7 şirkətin məcmu qısamüddətli öhdəlikləri 26,288 milyon manat təşkil edir ki, bu da bazarın 88,2%-i deməkdir. Qalan 13 sığorta şirkətindən 7-nin qısamüddətli öhdəlikləri 100 min manatdan 1 milyon manata qədər, 5-nin qısamüddətli öhdəlikləri 10 min manatdan 100 min manata qədər, 1-nin - "Atasığorta" ASC-nin qısamüddətli öhdəlikləri isə cəmi 2 min manatdır.

 20 şirkətdən 13-ü ötən il qısamüddətli öhdəliklərini artırıb. Ən yüksək müsbət dinamika "PAŞA Sığorta" ASC-də (15,4 dəfə), ən aşağı müsbət dinamika isə "Bakı Sığorta" ASC-də (1,45%) qeydə alınıb. Qalan 7 sığorta şirkətinin isə qısamüddətli öhdəlikləri azalıb. Ən yüksək mənfi dinamika "Atasığorta" ASC-də (99,6% az), ən aşağı mənfi dinamika isə "Qala Sığorta" ASC-də (15,6%) baş verib.

 "Naxçıvan Sığorta" ASC öhdəliklərinin məbləği barədə məlumat verməyib.

 © "Renkinq" 

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9671
  • ₽ RUB
    0.0267