SIĞORTA

İşsizlikdən və məcburi dövlət sığortasını ödəməyənlər cinayət məsuliyyətinə cəlb olunacaq
19 APREL
486

İşsizlikdən və məcburi dövlət sığortasını ödəməyənlər cinayət məsuliyyətinə cəlb olunacaq

2018-04-19 18:01:00

Azərbaycanda işsizlikdən sığortanı və məcburi dövlət sosial sığorta haqlarını ödəməkdən yayınma cinayət məsuliyyəti yaradacaq.Bununla bağlı Cinayət Məcəlləsinə əlavələr təklif olunur.

 Layihəyə əsasən, 213-cü (Vergi ödəməkdən yayınma) maddəsinin adı dəyişdirilərək belə verilir: “Vergiləri, işsizlikdən sığorta və ya məcburi dövlət sosial sığorta haqlarını ödəməkdən yayınma”.

 Eyni ifadələr maddənin birinci bəndində də daxil edilir və mövcud cəzalar buna da şamil edilir.

 Qeyd edək ki, maddədə qeyd edilən bəndinin məsuliyyəti belədir: Cinayət nəticəsində vurulmuş ziyanın 2 mislindən 4 mislinədək miqdarda cərimə və ya 2 ilədək müddətə islah işləri və ya 3 ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə 3 ilədək müddətə azadlıqdan məhrum etmə ilə cəzalandırılır.

 Layihə Milli Məclisin aprelin 24-də keçiriləcək iclasında müzakirəyə çıxarılacaq.

Apa.az

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9635
  • ₽ RUB
    0.0257